552٬189
96
Watsup
الدهان بيتم لتغيير لون الخشب واعطاء الشكل الجمالى لغرف النوم والسفره وكل انواع الاثاث و ايضا الدهان يحمى الخشب من تشققات ومن عمليه تفتيح الخشب والدهان بيعطى الشكل الجمالى على حسب ديكورات غرف النوم لكل عميل .
انواع الدهان :
هى دهانات تخص شغل غرف نوم الاطفال اللاكيه المميزه بالوانها الفاتحه لغرف نوم الاطفال وتسمى بدهانات اللاكيه وايضا غرف نوم على حسب طلب العميل
مثال لدهان الدوكو
شكل ( 1 )
تعلم دهان الاخشاب وانواع الدهان
طريقه دهانات الدوكو (اللاكيه ) :
اولا : محتوى الدوكو ( غراء + جبس + سبيداج للمعجونه هذه المحتويات تخلط مع الماء )
ثم تتم عمليه تكوين المعجون ونقوم بسحب سكينتين من المعجون على جميع محتويات الغرفه ثم القيام بعمليه سنفره الاسطح العاليه لمحاذاه جميع الاسطح بمستوى واحد
دهان سيلر بعد عمليه المعجون ( ماده السيلر قم بشراءها فهى ماده جاهزه ) يخفف السيلر بالتنر بدرجه متوسطه ثم البدء فى عمليه دهان الغرفه بالفرشاه ثم ترك الشغل لمده نص ساعه.
– ثم ينعم السيلر المدهون على الخشب بواسطه سنفره ناعمه (سنفره 280 ) بعد تركه لمده نص ساعه
ثم بعد ذلك عمليه رش البوليستر : هى طبقه صلبه فوق السيلر وهذه الخطوه من الدهانات الحديثه للخشب ماده تقوم بانشاء مسطح متساوى للاسطح وتملاء المسامات الفارغه ونقوم بشراء هذه الماده جاهزه بيضاف اليها معجن جفاف ثم تخلط مع المصلب ( ماده جاهزه)
ثم يترك لمده يوم او يومين لكى يعضم الخشب ويكون ذو ملمس ناعم وجاهز للسنفره
وبعد تركه المده نقوم بسنفره الخشب كامل سنفره بوليستر ناعمه 180 – ناتى بالمعجون الذى قمنا بعمله فى المرحله الاولى لنقوم بتلقيط بعض المسامات الفارغه ( وهذه العمليه تسمى ترديد)
لكى يكون العمل والعيوب المفتحه تم معالجتها ثم تسنفر المعجونه على الخشب لكى يتم تجهيزها للبدء عمليه رش الفلر او السلفسر ( طبعه قبل التشطيب تشترى جاهزه ) ثم تنعمل بسنفره ناعمه 320
الخطوه الاخيره : هى اختيار لون الغرفه المطلوب دهانه المناسب للديكور الخاص بالغرفه
يتم دهان اللون ورشه بواسطه مسدس الرش ( اللون الذى تم اختياره ) واللون بيتم شراءه جاهز ولكن بيضرب على بعضه للحصول على درجه اللون
يتم بعد رش اللون يتم تجهيز الطبقه الزجاجيه اللميع او المط على حسب اختيار العميل ويتم ورشها فى مكان مغلق يسمى فرن ثم تشغيل الحراره لمده ربع ساعه على حسب درجه الحراره تبع الفرن افضل درحه تترواح من 40 الى 70 درجه
وهذه الخطوه الاخيره
بواسطه : علاء صايمه لاحدث دهانات غرف النوم
تابعنا فى مقالات اخرى عن :
2- دهانات البوليستر 3- دهانات دوكو شفاف
الاخ علاء تحياتى على تلك المعلومات ولكن لى ملحوظه هامه لا يجب ان يرش البوليستر على السىلر مباشره لان المادتين لا يوجد تماسك بينهما فمن الممكن بعد فتره زمنيه ان تنفصل طبقه البوليستر عن طبقه السيلر لذا يجب ان ترش ماده العازل على السيلر وتترك لتجف تماما ثم يرش البوليستر بعد ذلك. تقبل تحياتى
ثم يترك لمده يوم او يومين لكى يعضم الخشب ويكون ذو ملمس ناعم وجاهز للسنفره
عاوز أعرف طريقة عمل الأبواب بوليستر والكمية المطلوبة لعشر ابواب
بستله سيلر 8ك/بستلة بولستر10ك
2جركن تتر.
2جالون مط
قابله لزياده بسيطه
أولا هنسنفر الباب كويس
وبعدين نديله سيلر بالفرشاة
وبعدين نمعجن الباب ونلون المعجون بنفس لون الباب (لون القشره)
وبعدين نسنفر الباب جيدا
وبعدين نديله وش سيلر
وبعدين نرشه بوليستر
ونتركه ينشف (يعضم)
وبعدين نصفيه (سنفره.ناعمه)
وبعدين لو فيه تلقيطة.معجون وبعدين نسنفرها سريعا
وبعدين مرحله الألوان علي حسب الإختيار
وبعدين وجه مط (التشطيب)
ما اسم مادة العازل يا باشمهندس رفعت بعد اذنك
و هل توجد انواع لدهن مكتب و يصبخ شكله نااعم
متوفر ورش دهان كتير
اذا كان هناك سطح كونتر مش متساوي المفروض نمعجن بسكين حائط علشان يكون متساوي ولا ايه المطلوب
نعم يتظبط بالمعجون ويتم سنفرة مره اخرى
بعمل مطبخ دوكو اسود مع ابيض عند النجار ولما شفته للأسف لقيت دهان الضلف السوداء مش درجة واحدة صافية زي ما تكون فيها تقليمات عريضة وشكله مش زي العربيات دهان صافي
يا تري ايه السبب من فضلكم
بعمل مطبخ خشب كونتر بدهان دوكو اسود في ابيض عند النجار ولما روحت اتفرج علي الدهان معجبنيش للاسف
الدهان الدوكو مش صافي زي العربيات لكن زي ما يكون في تقليمات منه فيه
ولما سألت النجار رد بإن السبب هو ان الضلف مصنوعة من الكونتر وهي بتدي التأثير ده مع دهان الدوكو
فهل يا تري في حل
هوا الكونتر بيعمل تقليمات فى الدهان الا لو كنت لزقت الضلف قشره علشان يظبط المسطح واللون
أحيي حضرتك على هذا الشرح الوافى وشكرا لحضرتك فبموضوعك هذا وضحت للناس العاديه كيفيه الطلاء
للأسف عملت غرفتين نوم أطفال وكان دهانهم سئ جدا
وسؤ دهانهم ملحوظ حتى بدون معرفه كل تلك الخطوات
عند لمس أى شئ فيهم يخربش وظهر الخشب وده معناه انها مأخدتش كل الخطوات دى
علاجهم أى سنفرة ودهان تانى ولا لازم إزاله اللون نهائيا
ولا أعطيهم طبقه الملمع النهائية ( على العلم هم مأخدوهاش ) ودى تبقي كافيه واسمها ايه
ولحضرتك جزيل الشكر والتحيه
تحياتى لحضرتك على هذا الشرح الوافى
انا عملت غرفتين نوم ولكن دهانهم سئ للغايه لو لمسو يتخربش الدهان ويظهر الخشب وطبعا مأخدوش الطبقة النهائية
ما هو علاجهم
برجاء الاهتمام
هل الغرفه ملزوقه قشره ؟ ولا الدهان على الخشب
لو على الخشب على طول وتانى مره ادهن (تجديد ) وشكلها مش بيلمع تكون ناقصة ايه
انا عايز اسال حضرتك عن افران دهان الخشب فكرتها ايه وازاي تشتغل
سؤال : الخشب الحراري اقدر ادهنه ولا لا ؟
و شكرا ❤️
انا عايزة اتصل بحضرتك شخصيا ضروريا لو ينفع يبقي فيه تعاون بينا في تنفيذ مجموعة من الغرف وَيَا ريت اعرف وسيلة اتصال بحضرتك وجزاك الله كل خير وفي انتظار الرد
01024271872 واتس اب
اولا جزاك الله خير على الشرح الوافى ولكن هل شرط انى ارش الدوكو الفرن فى كبينه فية سخن
وايه افضل ورنيش لامع ارشه على الدوكو النترو وشكرا
لو سمحت انا اودة النوم ملزوقة قشرة بس القشرة فرقعت من درجة الحرارة العالية فى الصعيد عايزة طريقة اقدر أزيل بيها القشرة من على الخشب وادهن الغرفة دهان مطفى
الافضل هتدخل للنجار
شكرا على الشرح الجميل
بس سؤال انا عندي غرفه نوم مدهونه لاكيه مط غامق والمشكله عندي ان اي حد بيلمسه بيترك اثر فيه(بيبصم) وكل شويه بيحتاج تنظيف ومش عارف ايه الحل؟ هل ينفع اديله طبقه ورنيش ؟ ووايه هيه الطريق الصحيحه لتنظيفه؟
هل من الممكن تفتيح لون الاستر بعد ما تم دهنه ؟ حيث ان اللون مايل للغامق جدا
انا عندي وحدات خشبية مقاسات مختلفة من الكونتر ممكن أعرف لو ينفع تدهن شغل خارجي وهيتكلف كام
من فضل حضرتك لو عاوزة ادهن قطع خشب mdf صغيرة كمثلث أو مربع للعبة بازل لأطفال ..لازم كوووول الخطوات دى وللا ممكن ع طول الدهان؟
وشكرا
الدهان لازم تاسيس وخطوات ولكن لو محتاج تظهر لون فقط للدهان على طول
اشتريت غرفة نوم مدهونة دوكو ولكن رائحة الدهان قوية جدآ حتى بعدخمسة ايام . ممكن اعمل ايه للريحة دى؟.
هتاخد فتره بسيطه المفروض ان الشغل كان يتفرش قبل المعيشه فتره وفتح الشباك عموما هسالك متخصص وارد عليك
حضرتك لو ينفع ترد عليا ف أقص وقت جزاك ربى كل خير.
كنت طلبت من نجار يعمل لى غرفة سفرة المهم النجار من نفسه جهز الغرفة أنها تدهن دوكو وعمل الحاجات كلها مش فاضل غير الدهان. المهم قولنا له عايزنها قشرة قالنا ماينفعش تتتعمل.
وبعدها بيوم قلنا ممكن اسنفرها و عملها قشرة. هل ده فعلا صح ولا غلط ؟ خايفه ليكون بيضحك علينا
هوا عموما علشان تركب قشره لازم سنفرة لكى تجهز لتركيب القشره
2- القشره افضل تحت دهان الدوكو بتريح وملمس افضل من الدهان على الخشب
السلام عليكم ، شكرا على المعلومات القيمة وياريت الإفادة ، مطبخي لونه بني غامق جدا استر من ٧ سنين ، ظهرت فيه شقوق طولية في الدرف بعد تركيبه ب ٣ شهور فقط ، حالياً عايزة املأ الشقوق دي وارجع أدهنه تاني بدهان فاتح بيج مثلاً غير لامع هل ينفع ؟
ينفع الاستروجى هيظبطو معجون وسنفره ويدهن
بعد اذنك سيادتك باعمل غرفة اطفال والتجار خلصها خلاص وبتاع اللاكيه قاللي انه حيعملها بالرولة وانا رفضت واشتريت الرشاش الكهربي وقررت اعملها بنفسي هل ممكن الاقي عند يوتين اللاكيه والا هو متخصص في بويات الحوائط.والسؤال التاني بعد اذنك لما اخلص رش وارش المادة الزجاجية فين الافران اللي ممكن اديلهم الغرفة علشان يخطوها فيها.
شكرا يا افندم
التواصل واتس أو فون
مدير المعرض : ابراهيم النحاس ☎ :01061293365
لو سمحت ممكن تدينى رقمك حضرئك عشان عاوز اكلمك افضل لو سمحت لو عندك فيس ابعتها وشكرا
غير متاح رقم ورشه الدهان اللى شرحت الموضوع
السﻻم عليكم ورحمة الله وبركاته ممكن اعرف المقادير وطريقة تجهيز ترابيزة بينج بونج دوكو والنسب والمعجونة .وجزاك الله خيرا
سيتم الرد عليك عند مقابله المتخصص فى الانتظار
لو سمحت ممكن اعرف المط القشرة المطفى افضل ولا النصف لامع افضل ف غرف النوم
هو دهان الدكو واللاكيه افضل ولا البولستر ارجو الافاده
هل يمكن استبدال المعجون بمعجون استوك جاهز؟
هل يمكن استبدال المعجون بمعجون استوك
عايزة ادهن الابواب بلون خشب البامبو الفاتح كيف احصل على هذا اللون وكيفية دهانه وهل يمكن بعد ذلك دهانه بورنيش الخشب اللامع
لو قشرة فرقعت تحت الدهان الدوكو او تحت دهان الاستر حلها اية ؟ ولك جزيل الشكر
معلش حضرتك لو في خشب في صيدلية الافضل يتدهن ايه
وهل التكلفة كبيرة
ومين اغلى اللاكيه ولا البوليستر
لاكيه افضل
الدوكو اغلى
ايه الفرق بين الدكو واللاكية
لو سمحت ماهي احسن معجون للابواب
ايه الفرق بين الدوكو واللاكية
استأذنك انا شوفت ف كذا معرض غرف نوم بتبقي شكلها وملمسها زي الزجاج ف اللمعة وعكس الاضاءة وكمان تحس ان جواها برونز ده اسمه ايه
ديكو سيارات
السلام علىكم ورحمة الله وبركاته
ممكن طريقة لدهان اوضه اطفال اوف وايت باجزاء ذهبي لاكيه ازاى اقدر اجددها واامكونات
لو سمحت عايز اعرف الفرق بين الاستر و البوليستر و البولى يوريثان و البورتان لانى مش قادر افهم الفرق بينهم خالص
سنقوم بسؤال ورشه الدهان ونحاول الرد قريبا
متابع
لو سمح الافضل في الفنش بالنسبه لمطبخ ها يتدهن دوكو انه يتعمل كونتر حور ساده ولا كونتر قشره . والمعجون يستخدم معجون جاهز ولا معجون استوكا بالمصلب . شكرا جزيلا
الافضل يكون قشره لسد مسامات
من فضلك موبليتى كلها دهانات المط الايطالي وعايز اعيد دهانها للتلميع مش اكتر.. هل ممكن اعملها بنفسي؟؟ وايه اسم الدهان اللي اشتريه واعملها بيييه بنفسي ..
الله ينور عليك ياهندسه
الله ينور ياباشا والله
لو سمحت ارجو سرعه الرد انا عملت المطبخ بتاعي لاكيه نبيتي وطلع وحش اوووووي ومحتاجه اغير الدهان لحاجه افضل بس ماتكنش التكلفه عاليه قولي اعمل ايه وهل ممكن الزق قشره ارو عليه وادهنو ولا لا ارجو سرعه الرد في انسب حل ليه ايه
هوا الافضل الدهان يتسروخ وبعدين تعملى قشره افضل وبعدين الدهان اللى تحبيه بس هيكون كل شئ مكلف فى كل الحالات
ازاى ادهن غرفه نوم اطفال قشره لونها بينك وعاوزه اعملها ابيض في بنى واى الادوات المطلوبه
المفترض لو هيا قشرة ومدهونه هتتسروخ لحد ميظهر القشره علشان تقدر تدهن كويس
أنا دلوقتى كنت عايز اوضة اطفال اللى هي الالوان المنتشرة حاليا روحت لنجار يعملهالى عمول قالي ان الدوكو دة حامي علي الخشب ومش بيعيش
وبيعمل تشققات لو فى اوضة حر والاوضة فعلا حر عندى واقنعنى اعملها استر لون فاتح هل الكلام دة فعلا بيحصل ولا هوة بيقولى كدة عشان اسهلة
الدوكو اعلى دهان واقوى دهان
عايز اعرف اعمل الباب اشبونش
السلام عليكم
اشكرك جداعلي الموضوع الرائع والطريقه المبسطه جدا ف الشرح
عندي مطبخ زان عاوزه اجدد دهانه بنفسي نظرا لغلاء الاسعار
بس مش عارفه اشيل الدهان اللي عليه ولا ادهن فوقه علي طول؟
وياتري هحتاج انضفه بماده ما علشان بقاله فتره عندي فيبقي الدهان الجديد نضيف تماما ؟
وكمان مش عارفه هحتاج ايه لدهانه (الخامات )
وياتري لازم مسدس رش ولا ممكن يدوي بالفرش ؟
وشكرا جدا لحضرتك
الافضل تنظيف الخشب بالصاروخ وبعدين نبدا الدهانات
طيب أنا عملت مطبخ بكونتر عادي مش مكبوس قشرة..هل من الأفضل أعمله دوكو؟ ولا أستر غامق؟
ونفس السؤال لو في غرفة النوم، لسه هعملها، هل من الأفضل أعملها بكونتر مكبوس قشرة آرو على طول زي الجود وود مثلاً أو حتى الفرست، وبعدها تتعمل أستر، ولا لو عملتها بكونتر سادة هيبقى في خيار آخر غير الدوكو؟
فى كل الحالات الافضل قشره لسد المسامات ويكون عمره اقوى
دهان دوكو ازاى على القشرة ؟؟
لازم ساده علشان يدهن دودكو
وايه المشكله ؟ ال 2ينفع بس انا بكلم نضافه اكتر وجودة
ما راى حضرتك فى الخشب العزيزى للمطابخ
عاوزة اشتري غرفة اطفال خشب وادهنها عند حضرتك لاكية ابيض . ولو العفش مدهون اسطر لامع ممكن يتدهن لاكيه . انا من القاهرة ارجو ترك رقم حضرتك
01024271872
ماهي دوحة اللمعان الأفضل والاشيك للدهان الابواب الاستر بروتان ٢٥. ام ٤٥%
لو سمحت عاوزة ادهن البرقع بتاعى زى دهان دمياط بس من غير ورق الدهب لانه مكلف ممكن الخطوات والمكونات لو بتتعمل ببودرة الدهب
لو سمحت عاوزة ادهن البرقع دهان زى دمياط بدهنوه ببودرة الدهب ولا بايه ممكن المكونات والخطوات بعد اذنك مش عاوزة اللى بورق الدهب لانه مكلف
كنت عاوزه استفسر من حضرتك يعني ايه العفش يدخل فرن وهل حقيقي النجار ممكن يعمل العفش عنده ف اوضة مغلقه ويرشه ويسيبه ف غرفة مغلقه وكده يكون دخل فرن ممكن ترد عليه لاني محتاره جدا في الموضوع ده
الدهان الفرن دا بيكون جوا كبينه خاصه للدهان
الفيلر أو السيلفيسر دا بيتخف بأية ونسبة كام لو سمحت
شكرا جدا لحضرتك
عندي سؤال من فضلك عاوزه اجدد غرفة بنتي وهي كانت قشره الصح ادهنها دوكو ولا ادهنها لاكيه انا عاوزها ابيض في بينك
ممكن حضرتك تعرفني ايه الافضل الي يعطيني نتيجه مرضيه
الدوكو افضل
السلام عليكم بشمهندس سيد انا عندي سؤالين مهمين جداً لو تسمح من وقتك تجاوبني عليهم
اناعايز اعمل لوحة خشب لمكتب table top والخشب اللى عايز اعمله يبقي زي خشب Ikea بالظبط وده مثال للمنتج اللى بيعرضوه عندهم في الموقع
https://www.ikea.com/us/en/catalog/products/00251135/#/00251338
ودي صورة مثال علي خشب اللى عايزه
https://www.ikea.com/PIAimages/0123718_PE279856_S5.JPG
فسؤالي الاولاني ايه نوع الخشب اللي بيستخدموه في طربيزه المكتب Modern اللى حضرتك شوفتها دلوقتي ؟
اما بالنسبة للسؤال التاني انا لما اجيب الخشب طبعاً مش هيبقي مدهون , انا عايز ادهنه بطريقة معينه يكون لون اسود لميع ميبنش انه خشب اصلاً ولا يظهر فيه عرق الخشب او اي حاجه زي الفيديو ده
https://www.youtube.com/watch?v=vwRFv6LFKf0
عايز اعرف ايه نوع الدهان اللي يعمله عشان يطلع الخشبة بالمنظر اللى زي ما هو موضح في الفيديو
ومتشكر جداً في افادة الناس بمعلوماتك القيمة ربنا يجعله في ميزان حسناتك
مبدئيا دا نوع خشب اسمو bvc هوا مش بيكون دهان دا نوع ملزوق ماده الواح كبس جاهزه زى شغل التركى وهكذا واوربا
اما لو عاوز تظهر مسمات التجزيع بتلزق قشره وتدهن دهان يظهر القشره
لو سمحت عندى غرفه اطفال اسط عايز اقلبها لاكيه ممكن تساعدنى تتعمل ازاى واى الخطوات المتبعه
صبغه البطانه على الابلكاش السه بالحصى والاكسيد بتبقا ديما ميلا للبنى الممحمر لو عايز اقلبه بنى شكلاته فاتح بس ميكنش محمر بتكون ايع بطانتو ولكم جزيل الشكر
من فضلك هل فيه مكان بيدهن دوكو فرن شفاف فعليا فى كابينة مغلقه وكده ولا كله بيدهن بالورنيش وخلاص ويقولوا دوكو فرن ؟؟
دوكو بيكون فى كبينه مغلقه
انا رشيت بوليستر ينفع بعده اصنفر وارش فيلر واسحب معجونة دوكو قبل التشطيب ولا قبل الفيلر افضل
المطبخ قشرته فرقعت ممكن اركب الواح خشب اكليرك عليها ولا ادهنها دوكو افضل
عاوزه اعرف الخامات المطلوبه لدهان ٥ ابواب بوليستر بنى
هوا المقاله كنا عاملينها مع صاحب ورشه هنحاول نعرف ونرد عليك